„Fugger nedd!“

Als Kendr hond miar g’schusserd,

G’schobbd, dass ma rechd vial g’wenna kaa.

Doch wäar dauernd nuar hodd verloara,

Däar hobb om’d Schusser beddla miaßa.

Was äar dann griagd, des war moischd’nd z’weng.

Do hodd ma ean hald bremsa miaßa:

„Fugger nedd!“ hond alle eam zugruafa,

Denn was der Fugger en Ogschburg doo hodd,

Dees hodd ma nemme haba wella:

Des Ausreiza war ooserm Denga fern.

Dann hoddr hald mit deam Voarliab nemma miaßa,

Was ma eam gäba hodd ond was äar griagd.

So läarnd ma fria dia allerwichdigschde Beschoidong,

Dass ma nedd alles griagd was ma oo will

Ond Freindschaffda nedd ausreiza däff.

©Hans Hartmut Karg

2021

*