Zeidwend’

A bissle schbenna muaß ma scho

Ond ja normal nedd wäara.

Dees hodd midd onsrer Seel’ zu doa,

Dia koin Körber will näara.

So godd dia G’sellschaft seelaloos

En iare allerneischde Zeid,

Hodd Ooga fiarn Geldbeudl bloos,

Fiar Neid – ond nedd fiars Leid.

A wenng verruggd isch onser Läba,

D’r Mensch will doch nedd ei’gschberrd sei,

Muaß se emmer dia Kannde gäbe

Dann ischd eam alles oinerlei.

©Hans Hartmut Karg

2020

*